0 comentarios comentarios

Glicemia capilar

Este procedemento pretende documentar as accións para a realización correcta da toma de mostra capilar para determinar a glicosa.

​A diabetes é unha síndrome clínica producida por unha disfunción metabólica crónica na función da insulina (hormona reguladora dos niveis da glicosa no sangue). Un efecto da diabetes non controlada é a hiperglicemia que, co tempo, dana gravemente órganos e sistemas, especialmente os nervios e os vasos sanguíneos.

A súa prevalencia en España sitúase arredor do 13,8 % en maiores de 18 anos. Para a DM1 a prevalencia sitúase entre 0,2 e 0,3 %, que representa entre un 10 e un 15 % do total de persoas con DM. 

O tratamento da diabetes ten como obxectivo terapéutico o adecuado control da glicemia, polo que a vixilancia deste parámetro é unha medida fundamental no seguimento clínico dos pacientes, para evitar as complicacións evolutivas e as descompensacións agudas. A dispoñibilidade de sistemas de autoanálise mediante a utilización de tiras reactivas e equipos portátiles constituíu unha importante mellora farmacoterapéutica, permite coñecer a cifra da glicosa sanguínea nese preciso momento e identificar unha hipoglicemia ou unha cifra anormalmente alta de glicosa, co obxecto de corrixir o tratamento ou de tomar as medidas oportunas.

Fluxograma.JPG

Tes mais información sobre o procedemento nos distintos apartados da información asociada

 

Comentarios:
Non se realizou ningún comentario
Publica o teu comentario
  •  
  •  
  •  
Xunta de Galicia © Xunta de Galicia. Información mantida e publicada en internet pola Consellería de Sanidade - Servizo Galego de Saúde
Galicia o bo cambio