0 comentarios comentarios

Para ter en conta. Adm. medicación v. oral

.

​  Observacións

  • As cinco condicións esenciais para reducir os erros son: identificar o paciente, verificar que o medicamento sexa o prescrito, a dose correcta, o horario e a vía de administración indicada As cinco condicións esenciais para reducir os erros son: identificar o paciente, verificar que o medicamento sexa o prescrito, a dose correcta, o horario e a vía de administración indicada (Grao B).
  • Os medicamentos débenselle entregar directamente ao paciente e só se debe asinar a súa administración unha vez que os paciente o tomou.
  • Na preparación da medicación a enfermeira debe reunir todos os elementos necesarios para que haxa as mínimas interrupcións no procedemento. (nivel IV).
  • Non extraer medicamentos dos envases ata que se vaian administrar.
  • Asegurarse de se o fármaco se debe administrar antes, durante ou despois das comidas.
  • A manipulación de axentes de quimioterapia débese facer con luvas, xa que existe o potencial de absorción pola pel. (nivel IV).
  • A preparación e administración do fármaco executaraa o mesmo profesional.
  • Preservar os comprimidos da humidade, luz e aire. Se non teñen rañuras non partilos pola dificultade de precisión de doses.
  • Cando se administren con máis medicamentos o xarope tomarase en último lugar. En pacientes diabéticos comprobar o contido en azucre.
  • As suspensións antiácidas non deben diluírse para permitir que recubran axeitadamente a mucosa gástrica.
  • A alteración dunha medicación pode provocar aumento da toxicidade, descenso da eficacia e inapetencia ou inestabilidade da medicación. Por exemplo se os fármacos de liberación prolongada son triturados a taxa de absorción altérase e pode conducir a unas concentracións máis altas e a efectos potencialmente tóxicos. Mentres que os fármacos con cuberta entérica, poden quedar inactivos ou incrementar a súa toxicidade. (nivel III). Si se administran cápsulas por vía sublingual non deben perforarse.
  • A alteración da forma dos medicamentos (trituralos) non se debe realizar, salvo algunhas excepcións, logo de consulta ao farmacéutico ou médico responsable. (Grao A).
  • Se está indicado trituralo suxírese o uso dun morteiro de vidro ou triturador de pastillas ou doutro equipo axeitado, non poroso, que poida limparse doadamente e que evite a contaminación cruzada. Todos os equipos deben limparse e secarse despois de cada uso.
  • Para triturar un medicamento, debe ter en conta que: (nivel IV)
  • O proceso empregado non debe dar como resultado un medicamento cunha eficacia menor, un maior risco de toxicidade, ou unha presentación inaceptable para a persoa en termos de sabor ou textura.
  • Os medicamentos de liberación retardada non deben ser triturados sen consultar co farmacéutico.
  • O uso da presentación líquida pode ser considerada como unha opción alternativa á trituración dos medicamentos sólidos. (Grao B).
  • Para previr a aspiración, recoméndase que os pacientes con risco tomen a medicación sentados. (Grao B).
  • Revise as datas de caducidade e comprobe que o medicamento estea en perfectas condicións. Se observa calquera característica non usual como falta de etiqueta, nome ilexible, indicios de deterioración... devólvao ao Servizo de Farmacia.
  • Se é a primeira vez que é administrado un medicamento estea alerta, en especial nos casos de hipersensibilidade coñecida a outros fármacos.
  • Se existen dúbidas ante doses non usuais, efectuar dobre control con outro persoal do equipo.
  • Sempre realizar dobre control cando se administren medicacións de alto risco, como digoxina, narcóticos e sedantes.
  • Non administrar un fármaco en dilución (suspensións, efervescentes, etc.) ata que esta non sexa completa.
  • Se se trata de comprimidos bucodispersables débense manter na cavidade oral ata a súa completa disolución.
  • En función do fármaco utilizado, valorar os signos vitais, glicemia capilar, nivel de consciencia.., tras a súa administración.
  • No caso de vómitos, valorar a absorción do medicamento. Se estes se producen antes de ½ hora consultar co médico a posibilidade de repetir a dose.


 

 

 

 

 

 

 

Comentarios:
Non se realizou ningún comentario
Publica o teu comentario
  •  
  •  
  •  
Xunta de Galicia © Xunta de Galicia. Información mantida e publicada en internet pola Consellería de Sanidade - Servizo Galego de Saúde
Galicia o bo cambio