Procedemento elaborado en 2021
A administración dun fármaco por vía sublingual é unha forma especial de vía oral pola que o fármaco, tras disolverse na saliva, chega á circulación sistémica a través da extensa rede de vasos venosos e linfáticos da mucosa sublingual e do tecido conxuntivo submucoso, evitando o efecto do primeiro paso hepático, xa que os vasos sublinguais chegan á vea cava superior.
As principais vantaxes son:
Fácil de administrar.
A velocidade de absorción e a biodispoñibilidade son superiores á vía oral.
Inicio de acción máis rápido, en comparación cos fármacos inxeridos pola vía oral, ao permitir o tránsito directo do principio activo á circulación sistémica.
Polo seu rápido efecto, é especialmente útil en situacións de urxencia (coronariopatía, hipertensión arterial, etc.).
Evita unha posible alteración ou inactivación gastrointestinal ou hepática (Nivel IV).
O efecto do medicamento pode suspenderse rapidamente, por exemplo, cuspindo a tableta.
Entre as limitacións están:
Só se poden administrar substancias dosificables en pequena cantidade (poucos miligramos) ao ser limitada a superficie bucal
As variacións do pH bucal (entre 6,7 e 7) poden alterar a absorción
Se o medicamento se traga, pode causar irritación gástrica.
Os medicamentos sublinguais formúlanse como tabletas, películas, obleas ou aerosois.
Este procedemento ten como finalidade describir as actividades encamiñadas a proporcionar fármacos ao paciente para a súa rápida absorción a través dos vasos sanguíneos do leito da lingua.
Tes mais información sobre o procedemento nos distintos apartados da información asociada.
AUTORES:
- Paula Díaz Gomez. Enfermeira. Unidade de hospitalización de Neuroloxía do H. Xeral e membro do Comité de Plans de Coidados da Área Sanitaria de Vigo.
- Mª José Fabeiro Mouriño. Supervisora da Unidade de hospitalización de Medicina Interna do H. Meixoeiro e membro do Comité de Plans de Coidados da Área Sanitaria de Vigo.
- Clara González Formoso. Enfermeira. Unidade Calidade Área Sanitaria Vigo.
- Lucía Méndez Pérez. Enfermeira. Unidade de hospitalización de Medicina Interna do H. Meixoeiro e membro do Comité de Plans de Coidados da Área Sanitaria de Vigo.
- Dolores Muiños Pérez. Responsable do Aplicativo Gacela e Presidenta do Comité de Plans de Coidados da Área Sanitaria de Vigo.
- Ana Isabel Novoa López. Supervisora do Servizo de Urxencias pediátricas do H. Xeral e membro do Comité de Plans de Coidados da Área Sanitaria de Vigo.
- Concepción López Melendez. Enfermeira. Responsable da Unidade de Feridas da Área Sanitaria de Vigo.
- Inmaculada Pardo Lemos. Supervisora da Unidade de Calidade da Área Sanitaria de Vigo.
REVISORES:
- Lidia Campos Chan. Supervisora de Enfermería Área Sanitaria de Pontevedra e O Salnés.
- Ana Isabel Váquez Martínez. Supervisora de Calidade Hospital A Mariña.
- Begoña Fariñas Lorenzo. Enfermeira U. Calidade Área Sanitaria Vigo.
- Ana García Fernández. Enfermeira Área Sanitaria de Pontevedra e O Salnés.
- Ana Mª Gómez Gómez. Enfermeira Área Sanitaria Ourense, Verín e O Barco de Valdeorras.