Este protocolo pretende proporcionar os coñecementos adecuados para o manexo da pulsioximetría. Responde á necesidade de dispoñer documentalmente de pautas de coidados avaladas cientificamente, co fin de proporcionar unha asistencia eficaz de máxima calidade, baseada en criterios científicos, e reducir a variabilidade asistencial.
A pulsioximetría serve para avaliar o estado da osixenación, aínda que non mide a presión de osíxeno (SAO2) nin a presión de dióxido de carbono (PaCO2) nin o Ph. Polo tanto, non substitúe totalmente a gasometría na valoración completa dos enfermos respiratorios, pero si é unha técnica moi útil pola súa sinxeleza, rapidez, fiabilidade, reprodución e inocuidade. Permite a detección precoz da hipoxemia, polo que se emprega como método de cribado na enfermidade cardiopulmonar; diminúe o número de extraccións sanguíneas necesarias e facilita o axuste das achegas suplementarias de osíxeno. A súa utilización é cada día máis intensa, tanto a nivel hospitalario como na medicina primaria e ambulatoria. Serve igualmente para realizar exploracións puntuais e para a monitorización continua dos pacientes con insuficiencia respiratoria.
A pulsioximetría pode ser necesaria nos seguintes casos:
- Actuación en problemas respiratorios agudos en urxencias (crise de broncoespasmo, reagudización de pacientes respiratorios, insuficiencias respiratorias de calquera tipo, dificultade respiratoria por trastorno de ansiedade etc.), para poder avaliar a necesidade e eficacia do tratamento.
- Seguimento de pacientes en tratamento con osixenoterapia, evitando gasometrías arteriais.
- Detección da hipoxemia na síndrome de apnea do sono.
- Monitorización da resposta ao tratamento broncodilatador administrado de urxencia.
- En hospitais, o seu uso esténdese tamén á monitorización do paciente durante a anestesia, á recuperación no postoperatorio, á avaliación do neno acabado de nacer (prematuro, baixo peso etc.), á unidade de coidados intensivos, ás endoscopias, salas de cateterismo etc.
Para completar a información do procedemento consulta os distintos apartados da información asociada.
AUTORES:
- Campos Chan Lidia. Enfermeira. Supervisora de Procesos de Xestión. Área Sanitaria de Pontevedra e O Salnés.
- Esperón Güimil José Antonio. Enfermeiro. Subdirector de Enfermería do Complexo Hospitalario Universitario de Pontevedra. Área Sanitaria de Pontevedra e O Salnés.
- Argibay Cochón Carlos. Enfermeiro. Subdirector do Hospital do Salnés. Área Sanitaria de Pontevedra e O Salnés.
- Bas Méndez Montserrat. Enfermeira. Supervisora Xeral do Hospital Provincial de Pontevedra. Área Sanitaria de Pontevedra e O Salnés.
- García Freijeiro Yolanda. Enfermeira. Supervisora de Unidade do Hospital do Salnés. Área Sanitaria de Pontevedra e O Salnés.
- Recamán Lagos José Manuel. Enfermeiro. Centro de Saúde de Meaño. Área Sanitaria de Pontevedra e O Salnés.
- Rosendo Fernández José Manuel. Enfermeiro. Supervisor de Procesos de Coidados de Enfermería. Área Sanitaria de Pontevedra e O Salnés.
- Sánchez Radío Silvia. Enfermeira. Supervisora de Docencia e Formación Continuada. Área Sanitaria de Pontevedra e O Salnés.
REVISORES:
- Pardo Lemos Inmaculada. Enfermeira. Supervisora da Unidade de Calidade de Coidados. Área Sanitaria de Vigo.
- Fariñas Lorenzo Begoña. Enfermeira. Unidade de Calidade de Coidados. Área Sanitaria de Vigo.
- López Serantes Alberto. Matrón. Supervisor da Unidade de Maternidade-Partos. Área Sanitaria de Ferrol.
- Loureiro Vilariño María Pilar. Enfermeira. Supervisora da Unidade de Puerperio-Pediatría. Área Sanitaria de Ferrol.
- M.ª Rocío Rodríguez del Prado. Enfermeira. Unidade de Pediatría. Área Sanitaria de Ferrol.