• Non extraer medicamentos dos envases ata que se vaian administrar

 • Preservar os comprimidos da humidade, luz e aire. Se non están rañurados non partilos pola dificultade de precisión de doses. 

• Na preparación da medicación a enfermeira/o debe reunir todos os elementos necesarios para que haxa as mínimas interrupcións no procedemento (nivel IV).

• A preparación e administración do fármaco executaraa o mesmo profesional.

• Para previr a aspiración, recoméndase que os pacientes con risco tomen a medicación sentados (grado B).

• Ademais de revisar as datas de caducidade, comprobe que o medicamento estea en perfectas condicións. Se observa calquera característica inusual, como falta de etiqueta, nome ilexible, indicios de deterioración..., devólvao ao Servizo de Farmacia.

• Se é a primeira vez que é administrado un medicamento, estea alerta, en especial nos casos de hipersensibilidade coñecida a outros fármacos.

• Recoméndase realizar dobre control cando se administren medicacións de alto risco, como narcóticos e sedantes.

• Se se trata de comprimidos bucodispersables, débense manter na cavidade oral ata a súa completa disolución.

• No caso de vómitos, valorar a absorción do medicamento. Se estes se producen antes de media hora, consultar co médico a posibilidade de repetir a dose.

• Evitar fumar previamente, polo menos unha hora antes (o fume do tabaco constrinxe os vasos  sanguíneos e as membranas mucosas da boca, o que reduce o nivel de absorción).

• Coñecer a acción e os efectos secundarios do medicamento antes da súa administración.

• As variacións do pH bucal poden alterar a absorción do medicamento.

• Cando se administre en combinación con outros medicamentos, debe tomarse no último lugar.

• Esperar para enxaugar ou beber uns minutos despois de disolto o medicamento para asegurar a súa total absorción nas membranas mucosas.

• A sequidade da boca reduce a disolución e a absorción dos fármacos por esta vía.

• O cualificativo “flas” ou “flash” nos medicamentos fai referencia ás formas bucodispersables liofilizadas que se disolven na boca.